Архивы: Новости

8-9 шілде күндері Махамбет атындағы Академиялық қазақ драма театрының сахнасында Александр Володиннің «Кездесу мен қоштасу» атты мелодрамасының премьерасы өтті. Осы қойылыммен театр ұжымы 87-маусымын салтанатты түрде қорытындылады.
«Кездесу мен қоштасу» — махаббат пен өкініш, үміт пен үнсіздік қатар өрілген, жүрекке жылу беріп, жанды толқытатын ерекше шығарма. Өмірдің күрделі сұрақтарына жауап іздеген қойылым көрермен көңілінен шығып, шынайы эмоцияға бөледі.
Қойылымның қоюшы режиссері — Жанат Телтаев. Ол спектакльге заманауи көркемдік шешімдер енгізе отырып, көрермен мен сахна арасындағы сезімдік байланысты тереңдете түсті.
Пьесада адамдардың өмір жолындағы маңызды сәттері — алғашқы махаббат, қоштасу, өкініш пен кешірім – шебер суреттелген. Кездесу мен қоштасудың арасындағы бір ғана сәттің қадірі мен маңызын көрермен жан-тәнімен сезіне алды.
Кештің атмосферасын театр әртістерінің кәсіби ойыны, сахналық декорациялар мен жарықтық шешімдер толықтыра түсті. Қойылым соңында көрермен ұзақ уақыт қол соғып, шығармашылық ұжымға зор алғысын білдірді.
Билеттер Ticketon.kz сайтында сатылымға шығарылып, театр жанкүйерлері спектакльге ерекше қызығушылық танытты.
Театр ұжымы алдағы маусымда да осындай терең әрі әсерлі қойылымдармен көрерменін қуантуды жоспарлап отыр.

Махамбет атындағы академиялық қазақ драма театры маусымдық қорытынды кешіне шақырады!
Құрметті қала тұрғындары мен қонақтары!

Махамбет атындағы академиялық қазақ драма театры сіздерді 29 маусым күні сағат 20:00-де «Сұлтан Бейбарыс» алаңында өтетін ерекше мәдени кешке шақырады.
Бұл кеш – театр өнерін сүйетін жандар үшін маусымдық қорытындыны бірге атап өтетін жарқын шара. Кеш барысында театр әртістері көрермендерге өздерінің үздік қойылымдарынан сахналық үзінділер, әсерлі әндер мен би өнерін ұсынады.
Бұл – өнер мен ықылас тоғысатын түн. Сіздерді ерекше әсер, көтеріңкі көңіл-күй және ұмытылмас сәттер күтіп тұр.
Театр маусымының қорытындысын бірге қарсы алайық!

Күні: 29 маусым
Уақыты: 20:00
Өтетін орны: «Сұлтан Бейбарыс» алаңы

Баршаңызды асыға күтеміз!

📌 Репертуарда:
🔸 Премьералар – “Іс №20/25 К”, “Жоғалған үміт”
🔸 Жан түршіктірер тағдырлар, жүрекке жол табар махаббат хикаясы
🔸 Балаларға арналған ертегілер
🔸 Қойылымдар мен іс сапарлар – бәрі сіз үшін!
🎫 Билеттерді Ticketon.kz сайтынан немесе театр кассасынан сатып ала аласыздар!

21 мамыр — Мәдениет және өнер қызметкерлері күніне арналған мерекелік салтанатты жиын өтті. Іс-шараға Атырау облысы әкімі Серік Шәпкенов қатысып, бірқатар өнер майталмандарына марапаттар табыстады.
Осы орайда, Махамбет атындағы академиялық қазақ драма театрының қос бірдей өкілі — мемлекеттік марапатқа ие болды.
Театр сахнасында жарты ғасырға жуық ғұмырын арнап келе жатқан актриса Күнайым Шаматова ҚР президентінің жарлығымен – “ҚҰРМЕТ” орденін өңіріне тақты.
Ал, талантты режиссер Гүлназ Қамысбаева ҚР Президентінің Алғыс хатымен марапатталды.
Бұл – жеке шығармашылықтың ғана емес, қазақ театрына деген биік құрметтің белгісі және ұжымның ортақ жетістігі деп білеміз.
Сондай-ақ, Мәдениет, спорт және ақпарат қызметкерлерінің салалық кәсіподағының “Еңбек даңқы” төсбелгісімен театрымыздың аға машинисті Айдар Бисембиев, “Amanat” партиясының алғыс хатымен кадр бөлімінің маманы Есалиева Бейбітгүл және Мәдениет басқармасының алғыс хатымен театр әкімшісі Жасмина Ғалымжанқызы марапатталды.
Марапаттарыңыз құтты болсын!
Өнерлеріңіз өрге жүзіп, көрермен құрметі мен мемлекет бағасы қатар жүре беріңіздер, әріптестер!

Кеше 15 мамыр күні Т.Әлімқұловтың “Қош бол, Қараой!” қойылымының алдында Қазақстан Жазушылар Одағының төрағасы Мереке Құлкенов биылғы “Махамбет атындағы Халықаралық әдеби сыйлығын” табыстады. Мәртебелі марапат белгілі ақын Иран-Ғайыпқа және сыншы, өнертанушы, театр зерттеушісі Әлия Бөпежановаға бұйырды. Осы орайда, біз Әлия апайды арнайы атап өткіміз келеді.
Бұл — Әлия Қаһарманқызына берілген кездейсоқ сый емес. Әлия апамыз Махамбет атындағы қазақ драма театрының тарихын зерттеп, 80 жылдық мерейлі дата қарсаңында кітап жазып шыққан еді. Бұл – жай ғана кітап емес, ғылыми монография, мәдени-рухани мұра.
📖 Айтулы еңбек – архивтер мен кітапханаларда отырып, тиянақты зерттеу арқылы жазылған, театр тарихын жүйелі баяндаған, ұрпаққа қалдырылған құнды дүние. Театр өмірінің соқпағы, сахна шеберлерінің ізі, шығармашылық биіктер — бәрі осы кітапта.
🎭 Театр ұжымы үшін бұл – үлкен мәртебе!
💐 Сондықтан да, сыйлықтың дәл иесін тапқанына қуанып, Әлия Қаһарманқызын шын жүректен құттықтаймыз!

Бүгін — сахна тарланы, театр өнерінің өрісін кеңейткен қайраткер, Қазақстанның еңбек сіңірген өнер қайраткері, Махамбет атындағы сыйлықтың лауреаты, көрнекті режиссер Шапай Зұлқаштың дүниеден озғанына 5 жыл (бүгін жерге түскен күні) толып отыр.

1938 жылы Атырау облысы, Исатай ауданы, Орпа ауылында өмірге келген Шапай ағамыз өмірін театрға арнап, сахна мен режиссураны, өнер мен халықты жүрегімен сүйді. Ол — Махамбет атындағы академиялық қазақ драма театрыныңдамуына зор үлес қосқан тұлға.

Актерлікпен қатар, ұлт руханиятына серпін берген режиссер ретінде де есімі ел есінде. Оның сахнаға әкелген кейіпкерлері, режиссерлік қолтаңбасы — бүгінгі өнер ұрпағына үлгі.

Шапай Зұлқаш – тек өнер иесі ғана емес, ұлтының шын жанашыры, адамдық келбетімен де биік тұлға еді.

Ұлтына ұлағат қалдырған ұлы адамды еске ала отырып, оның рухы алдында бас иеміз. Еңбегі ел жадында мәңгі жаңғырып тұрады.

18 наурыз 2025 жылы Атырау облыстык Махамбет атындагы Академиялык казак драма театрында мекеме кызметкерлерi арасында «Сыбайлас жемкорлыкка карсы мадениет калыптастыру» такырыбында жиналыс болып оттi.
Казiргi кезде квазимемлекеттiк сектор субьектiлерiнде кызметкерлердiн адалдыгына аса ман берiлiп отыргандылыгы, сыбайлас жемкорлык тауекелдерi тiкелей сол азаматтардын жауапкершiлiгiнiн денгейiне байланысты екендiгi тусiндiрiлдi. Жиналыс хаттамасы толтырылды.

Құрметті көрермен, 2025 жылдың мамыр айын Махамбет атындағы Аакадемиялық қазақ драма театрымен бірге өткізіңіз!
Билеттерді Ticketon.kz сайтынан немесе театр кассасынан сатып ала аласыздар!

Бүгін Алматы сахнасында ҚР Президентінің кеңесшісі, «Баянды бақ» пьесасының авторы Отарбаев Мәлік Нұржанұлы «Баянды бақ» қойылымына қатынасып, ҚР Президенті Қасым-Жомарт Кемелұлы Тоқаевтың атынан Атырау облыстық Махамбет Өтемісұлы атындағы академиялық қазақ драма театрын Құрмет грамотасымен, ҚР Мәдениет саласының үздігі, театрымыздың актері Ержан Жұматовты ҚР Мәдениет саласының үздігі, Махамбет сыйлығының иегері, театрымыздың актері Бекет Зинуллинді Алғыс хатпен марапаттады.
Марапат иелерін құттықтаймыз! Шығармашылық шабыт, толағай табыстар тілейміз!

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес «Облыстық Махамбет атындағы Академиялық қазақ драма театры» КМҚК-да 2025 жылдың 18-30 сәуір аралығында сыбайлас жемқорлық тәуекелдеріне ішкі талдау жүргізілетіндігін хабарлаймыз.