Махамбет Өтемісұлы атындағы облыстық академиялық қазақ драма театрының директоры қызметіне Асхат Ерболатұлы Мусағалиев тағайындалды.
Асхат Мусағалиев – кәсіби сахнада 2015 жылдан бері еңбек етіп келе жатқан тәжірибелі актер. Ол Т.Жүргенов атындағы Қазақ ұлттық өнер академиясында «Драма және кино актері», К.Бәйсейітова атындағы Қазақ ұлттық өнер университетінде «Музыкалық театр артисі» мамандықтары бойынша білім алған.
Еңбек жолын Махамбет атындағы театрда бастаған Асхат Ерболатұлы 2023 жылдан бастап Астана қаласындағы Музыкалық жас көрермен театрында қызмет атқарды. Кәсіби қызметі барысында сахнада түрлі жанрдағы күрделі образдарды сомдап, мол шығармашылық тәжірибе жинақтады.
Асхат Мусағалиев – «Сахнагер-2018» ұлттық театр сыйлығының «Үміт» номинациясының иегері, сондай-ақ «Мәдениет саласының үздігі» төсбелгісімен марапатталған.
Жаңа басшыны жауапты қызметке тағайындалуымен құттықтай отырып, Махамбет театрының шығармашылық ұжымына жаңа белестер, ал Асхат Ерболатұлына қызметінде толағай табыс, шығармашылық ізденіс пен сәттілік тілейміз!
