Жаңа маусымның ашылуы

Махамбет атындағы академиялық қазақ драма театрында 89-театр маусымының шымылдығы тарихи тақырыпқа негізделген «Бейбарыс» әфсанасымен түрілді.

Тарихтың тағылымын сахна тілімен сөйлеткен қойылым көрерменге ерекше әсер сыйлап, театрдың жаңа шығармашылық маусымына жол ашты. Бейбарыс сұлтанның тағдырын, тұлғалық болмысын және тарихи кезеңнің тынысын арқау еткен спектакль көрерменді өткенге көз жүгіртіп, ел тарихына жаңаша үңілуге жетеледі.

Жаңа маусым – театр ұжымы үшін тың ізденістер мен шығармашылық жаңалықтарға толы кезең. Алда көрерменді жаңа қойылымдар, жаңа кездесулер мен сахнадағы сан түрлі оқиғалар күтеді.