Архивы: Новости

Құрметті оқырман қауым! Өнер жанашырлары! Жаңа жылдың алғашқы күні жағымды жаңалықпен басталды. Бүгін Мәдениет, тілдерді дамыту және архив ісі басқармасы басшысының міндетін атқарушы Әсия Баянқызы Атырау облысы әкімі Серік Жамбылұлының бұйрығы бойынша Сағынтай Көпжасаровты театр басшылығына тағайындады. Сағынтай Сатыбалдыұлы бұған дейін Д.Нұрпейісова атындағы халық аспаптар оркестрін басқарып, ұйымдастырушылық қабілетін танытқан, жалпы мәдениет саласында тәжірибесі мол маман. Жаңа басшысыны өңіріміздегі қасиетті қара шаңырақ театр мекемесіндегі жауапты қызметімен құттықтай отырып, абыройлы болуына тілектестік білдіреміз.

Қазақтың көрнекті жазушы-драматургы, Қазақстанның еңбек сіңірген қайраткері, «Парасат» орденінің иегері, «Атырау қаласының құрметті азаматы» Рахымжан Қасымғалиұлы Отарбаев атындағы дәстүрлі республикалық ІҮ театр фестиваліАтырау қаласында 2022 жылы қараша айының 23-27 күндері өтті.

Фестиваль форумға елуден астам арнайы қонақ (Мемлекет, өнер қайраткерлері, ақын-жазушылар, режиссерлар, театр сыншылары, БАҚ өкілдері) қатынасып, тамашалады. Іс-шара аясында өнер майталмандарымен шеберлік сыныптары, шығармашылық кездесулер ұйымдастырылды.

Фестивальге республика бойынша 6 кәсіби театр ұжымы қатынасты.

1. БҚО Х.Бөкеева атындағы қазақ драма театры – «Жәңгір хан» драмасы
2. Шымкент қалалық «Қуыршақ және жасөспірімдер театры» — «Шыңғысханның көз жасы» драмасы
3. Абай атындағы мемлекеттік қазақ музыкалық Семей драма театры – «Мұстафа Шоқай» драмасы
4. Шығыс Қазақстан облыстық драма театры – «Көлеңке» («Айнағұмыр») драмасы
5. Ақмола облыстық орыс драма театры – «Бейбарыс» драмасы
6. М.Әуезов атындағы Қазақ ұлттық драма театры – «Қытайдан жеткен сәлемдеме» драма

Фестивальге қазылық еткен қазылар алқасының құрамы:

1.Төраға – Еркін Жуасбек -ҚР Еңбек сіңірген қайраткері, М.Әуезов атындағы Ұлттық  драма театры» РМҚК директоры

 Мүшелері:

1. Нұрлан Жұманиязов — ҚР Еңбек сіңірген қайраткері, «Құрмет» орденінің иегері, режиссер
2. Анар Еркебай – Театр сыншысы
3. Асылбек Ихсан – Жазушы, драматург, режиссер. ҚР Жазушылар одағының мүшесі
4. Қабыл Халықов – Т. Қ. Жүргенов атындағы Қазақ ұлттық өнер академиясының  Ғылыми жұмыстар жөніндегі проректоры,Философия ғылымдарыныңдокторы, профессор,сценограф

Фестивалдің 2022 жыл 23 қараша, сағат 16.00-де өтті. Ашылу салтанатында Р.Отарбаев атындағы республикалық театрлар фестивалінің Бас жүлдегері, Облыстық Махамбет атындағы Академиялық қазақ драма театры «Бейбарыс» (реж. М.Томанов, Ж.Телтаев) тарихи драмасының үзіндісін сахналады. Сондай-ақ Махамбет театры 27 қараша, сағат 11.00-де Р.Отарбаевтың «Жалғыздық»шерін (реж. М.Томанов)көрермен назарына ұсынып, сағат 16.00-де Р.Отарбаев атындағы республикалық театрлар фестиваль форумының ресми жабылуы мен жүлдегерлерді марапаттау рәсімі өтті.

Бас жүлде

Мұхтар Әуезов атындағы қазақ ұлттық драма театры «Қытайдан жеткен сәлемдеме» қойылымы үшін

І орын

Ақмола облыстық орыс драма театры «Бейбарыс» қойылымы үшін

ІІ орын

Абай атындағы мемлекеттік қазақ музыкалық драма театры «Мұстафа Шоқай» қойылымы үшін

ІІІ орын

Хадиша Бөкеева атындағы қазақ драма театры «Хан Жәңгір» қойылымы үшін

 Арнайы номинациялар:

«Үздік сценография» Ниязакунов Сабыр Бакаевич-Ақмола облыстық орыс драма театрының суретшісі

«Үздік ер адам» (үлкен Өмірбай) — ҚапалбаевМұхтар- М.Әуезов атындағы Қазақ ұлттық драма театрының актеры

«Үздік әйел адам»  (Әсем ай) —  Арай Умирова- М.Әуезов атындағы Қазақ ұлттық драма театрының актрисасы

«Үздік режисура» Луцива Ольга Богдановна- Ақмола облыстық орыс драма театрының режиссеры

«Көрермен көз айымы» Сердеш Қажымұратов — Х.Бөкеева атындағы қазақ драма театрының актеры

 

 

Махамбет атындағы академиялық қазақ драма театрының 85-ші маусымының ашылуы жоспарланып отыр.  Жаңа маусымның алғашқы қойылымы — Ш.Айтматовтың «Жәмила» драмасы. Қоюшы режиссері — Махамбет атындағы сыйлықтың иегері, театрдың көркемдік жетекшісі Мұқанғали Томанов.

Көрермендерге етене таныстырып, алдағы іс-жоспарларды бөлісу үшін әдеттегідей баспасөз мәслихаты ұйымдастырылады. Сонымен қатар, қалыптасқан дәстүр бойынша жаңа маусым қарсаңында театр артистері ЖОО, колледждер мен мектептердегі жас көрермендермен көптеген кездесулер де өткізбек.

Атырау қаласының тұрғындары мен қонақтары апта сайын демалыс күндері Махамбет атындағы академиялық драма театрының қойылымдарын тамашалай алады. Соның ішінде марапаттарға ие болған спектакльдер де бар.

Құрметті оқырмандар! Сіздермен жағымды жаңалық бөліскелі отырмыз. Басты рөлін Махамбет атындағы Академиялық қазақ драма театрының актері Асланбек Жанбалаев сомдаған, режиссер Болат Қалымбетовтың “Мұқағали” фильмі Татарстан Республикасының астанасы Қазан қаласында 2022жылдың 7-11қыркүйек күндері арасында өткен
XVIII-ші халықаралық Мұсылман елдерінің кинофестивалінде режиссер қазылар алқасының арнайы жүлдесімен марапатталды. Әріптесімізді кино өнеріндегі табысымен шын жүректен құттықтаймыз!

Еліміздегі батыс өңірі қазаққа батыр қыздарды сыйлаған мекен. Шығыстың қос шынары атанған Әлия мен Мәншүк, қазақтың жалғыз ұшқыш қызы Хиуаз Доспанова еліміздің батыс аймағынан қанат қаққан. Әлия мен Мәншүктің есімдері бүгінде әр қазақтың жадында сақтаулы. Ал, Хиуаз апамыздың ерлігін екінің бірі біле бермейді. Оған себеп, ұшқыш қыздың уақытында Кеңес Одағының батыры деген атаққа қол жеткізе алмауы.

Continue reading ««Хиуаз» деректі драмасы»