Махамбет атындағы академиялық қазақ драма театры жаңа шығармашылық маусымын бастайды. Театр ұжымы 89-шы маусымның шымылдығын тарихи тақырыптағы «Бейбарыс» қойылымымен ашпақ.
Жаңа маусымның алғашқы премьерасы 3 қыркүйек күні сағат 19:00-де үлкен залда өтеді. Көрермен назарына Р. Отарбаевтың пьесасы негізінде сахналанған «Бейбарыс» спектаклі ұсынылады. Қоюшы режиссерлері – М. Томанов пен Ж. Телтаев.
Қойылымда Мысыр елін билеген әйгілі Бейбарыс сұлтанның тағдыры, тарихи тұлға ретіндегі болмысы мен күрделі өмір жолы сахналық тілмен көрініс табады.
Театрдың 89-шы маусымының алғашқы айы жанрлық әртүрлілігімен ерекшеленеді. Қыркүйек айында көрермен драма, комедия, мелодрама, психологиялық драма және балаларға арналған ертегілерді тамашалай алады.
Қыркүйек репертуарында терең психологиялық және лирикалық қойылымдар да бар:
Бұл спектакльдер көрерменді адам өміріндегі таңдау, махаббат, сағыныш және ішкі тартыс тақырыптарына жетелейді.
Театр жас көрермендерді де назардан тыс қалдырмайды.
Балаларға арналған қойылымдар олардың қиялын дамытып, достық пен мейірімділік құндылықтарын дәріптеуге бағытталған.
Қыркүйек айының соңғы қойылымы 30 қыркүйек күні сағат 19:00-де өтеді. Көрермен назарына Ш. Айтматовтың әйгілі шығармасы негізінде сахналанған «Жәмила» драмасы ұсынылады. Қоюшы режиссер – М. Томанов.
Осылайша, Махамбет атындағы академиялық қазақ драма театрының 89-шы маусымы тарихи, әлеуметтік және психологиялық тақырыптарды қамтыған бай репертуармен басталмақ. Бір ай ішінде көрерменге 12-ге жуық қойылым ұсынылады.
Театр ұжымы барша өнерсүйер қауымды жаңа маусым спектакльдеріне шақырады.
